Sumangga dihaturanan ka sadaya nu sarumping Kanggo korban anu Suci Rido manah iklas ati Sumujud payunen Altar Sungkem sumerah ka Gusti

Yesus ngajanten Panebus Ngadamel pangeling-ngeling Kanggo sadaya umatNa Numawi urang peryogi Ngemutkeun jasa Anjeunna Nu wantun ngorbankeun diri

Gusti Yesus nu prihatin Nandangan kasangsaraan Iklas ngorbankeun salira Kanggo nebus dosa umatNa Neda jembar hampurana Ti umat Gusti sadaya

Mugi Gusti kersa nampi Korban abdi sadayana Dosa alit dosa ageung Margi Gusti mah uninga Duh Yesus neda hapunten Nu asih ka sadayana